كل يوم بندخل المطبخ ونسال ياترى هناكل اية وخاصة الحيرة تكون فى الصيام
خلاص مانسالش ولا تفكر كل يوم اكلة جديدة هنا
وياريت اللى يقدر يشارك معايا اكون شاكرة لة على تعب محبتة
اول يوم
كفتة البطاطس
المكونات:
بطاطس مسلوقة ومقشرة
بقسماط
دقيق
ملح
مكونات الحشو:
صنوبر ( يمكن الاستغناء عنة بأي نوع مكسرات او سوداني )
زيت زيتون
بصل
زبيب
بقدونس مفروم
شبت مفروم
الطريقة:
يهرس البطاطس جيداً، ثم يضاف إليه القليل من الملح والدقيق، ويخلط.
يحمص الصنوبر او المكسرات بقليل من زيت الزيتون، ويضاف البصل ويقلب.
يضاف الزبيب والقليل من البقدونس والشبت، ويقلب.
يحشى البطاطس بحشو الصنوبر او المكسرات والزبيب، ثم يشكل على شكل أقراص دائرية مفلطحة، وتقلى بالزيت.
يمكن ان تقدم مع خضار سوتيه او مكرونة او ارز .
سلطة القرنبيط
المقادير
ثمرة قرنبيط صغيرة
2 حزمة بقدونس
6 فصوص توم
جزرة صفراء كبيرة
ثمرة فلفل رومى
قليل من الملح
1 ملعقه صغيرة كمون ناعم
1/4 معلقه صغيرة شطة
1 ليمونه
2 معلقة طحينه
الطريقة
تنظف القرنبيطه و تقشر العيدان و تسلق فى ماء مغلى بالملح و الكمون
يصفى القرنبيط من الماء جيدا ثم يهرس
يضاف أليه الملح و الكمون و الشطه و الثوم المدقوق و البقدونس المفرى ( او مقطع قطع صغيره )
اضافة عصير الليمون و بشر الجزرة و بشر الفلفل الرومى
يتم عمل الطحينه و أضافتها للخليط السابق و تقليب الخليط
يغرف فى طبق و يقدم باردا
مكرونة صيامي
المكونات
كيس مكرونة (اسباجيتي او صغيرة او قلم)
طماطم
بصل مبشور
العمل
احضر حلة مملوئة بالمياة وضعها علي البوتاجازلكي تسخن جيدا وبعد ذلك ضع المكرونةفي المياه
واحضر حلة وضع فيها زيت نباتي وضع البصل المبشور لغاية ما يتحمر وبعد كدة تكون مجهز طماطم معصورة في الخلاط وحطها علي البصل وتسيبها تتسبك كويس وبعد كدة تحط معلقة ونصف ملح وقلبها جيدا وبعد كدة جيب صفاية وصفي المكرونة من الحلة وبعد كدة تجيب طبق وحط فية المكرونة وبعد كدة حط الطماطم علي المكرونة وحط فلفل اسود وقلب ودوق المكرونة بجد.
كيك بصوص البرتقال صيامى
المقادير
كوب ونصف سكر
4 كوب دقيق
كوب زيت اومارجرين نباتى
كيس بكنج باودر
كوب عصير برتقال
بشر برتقالتين
مقادير الصوص:
عصير برتقال يحلى بالسكر حسب الرغبه
قليل من النشا
الطريقه:
نخلط الزيت اوالمارجرين مع السكر بالمضرب الكهربائي حتى يتكون لنا خليط كريمي ثم نضيف له الطحين والبكنج باودر وعصير البرتقال ونخلط جيدا ثم نضيف له بشر البرتقال..
نصب الخليط في صينية مدهونة بالزيت وترش بالدقيق وتدخل الصينية الفرن .
مدة الطهى : 40 دقيقة الحرارة220
نخرج الكعكه من الفرن ونضع عليها صوص البرتقال(نضع عصير البرتقال على النار ونضيف له النشا ونخلطه على نار هادئه جدا حتى يثقل الخليط ويتماسك مع مراعاه سرعه الخلط حتى لا يتكتل الخليط)ونضعه على الكعكه وننتظر لحين تبرد الكعكه ونقطعها ونقدمها..وممكن يرش عليها سكر بودرة بدل الصوص
وتقدم
