الختان ...لقدس أبونا يوحنا ج1
--------------------------------------------------------------------------------
++ الختان ++
،،،،،،،،،،،،،،،،،،،،،،،،،،،،
عظة لقدس أبونا يوحنا
...........................
**نقرأ الإنجيل المقدس حسب لوقا :
(و لما تمت ثمانية أيام ليختنوا الصبى سمى يسوع كما تسمى من الملاك قبل أن حبل به فى البطن ) لو 2: 21
اليوم يا أحبائى تعالوا نتأمل فى أصل طقس الختان ...و مفهومه الروحى من خلال كلمات الوحى الإلهى عنه فى الكتاب المقدس.
**أصل الطقس :
بدأ هذا الطقس فى العهد القديم مع أبونا إبراهيم
زى ما هو واضح فى( تك 17 : 11)
"فقال الله لإبراهيم و أما انت فتحفظ عهدى أنت ونسلك من بعدك فى أجيالهم ..هذا هو عهدى الذى تحفظونه بينى و بينكم و بين نسلك من بعدك يختن منكم كل ذكر فتختتنون فى لحم غرلتكم "
**يبقى أصل الختان مع أبونا إبراهيم ...
+فيه بعض المؤرخين بيقولوا إن دى عادة يهودية مأخوذة من مصر... طبعا كلام مش صحيح ..و بعض اليهود كانوا يعلموا أن الختان كان فى عهد موسى زى ما هو واضح فى سفر الأعمال :
(و إنحدر قوم من اليهودية و جعلوا يعلمون الأخوة أنه إن لم تختتنوا حسب عادة موسى لا يمكنكم أن تخلصوا )
أع 15 : 1
**هنا تلاقيهم بيعلموا الناس إن الختان من وضع موسى و إنه مجرد علامة فى الجسد و بس .!!
علشان كدة رب المجد يسوع لما شفى مريض بيت حسدا إللى مقعد من 38 سنة ... و إبتدأ اليهود يحتجوا علشان ربنا شفاه فى السبت و عاوزين يقتلوه لأنه كسر وصية إلهية ( حفظ السبت )..فبدأ ربنا يسوع يصحح لهم مفهوم الختان كمان :
(فأجاب يسوع و قال لهم :عملا واحدا عملت فتتعجبون جميعا ...لهذا اعطاكم موسى الختان ..ليس إنه من موسى بل من الأباء )
يو 7 : 21-24
++من كل هذا يا أحبائى يتضح لنا أن اصل طقس الختان بدأ فى عصر أبونا إبراهيم و إستمر و فضل معمول به حتى ختان السيد المسيح له المجد .
**الختان يا أحبائى ...كان له أهمية كبيرة جدا فى العهد القديم ..لأن هو العلامة إللى كانت بتميز أولاد إبراهيم إللى هم أصحاب العهد .
**كانت بتميزهم عن الأمم و الشعوب الأخرى ...لذنك كان أى حد يهودى عنده إستعداد أنه يموت و يستشهد فى سبيل تكميل ختانه ...
لأن موت اليهودى بدون ختانه معناه :
إنه يحرم من الميراث الأبدى ....حرمان من ميراث شعب الله .
**أهمية الختان فى العهد القديم
هذه الأهمية كانت واضحة جدا فى وصية ربنا لأبونا إبراهيم فى ( تك 17 :14)
"و اما الذكر الأغلف الذى لا يختتن فى لحم غرلته فتقطع تلك النفس من شعبها ..أنه قد نكث عهدى "
**تقطع هذه النفس من شعبها **
كلام صعب !!
ليه تقطع هذه النفس من شعبها ؟؟
لأنها نكثت عهد الله .
*إذا الختان يا أحبائى ما كانش مجرد علامة ظاهرية فى الجسد ...لكن كان علامة عهد بين الله و بين كل واحد من أفراد الشعب و الكلام دة وصية إلهية مش من وضع البشر .
و نشوف مع بعض تك 17 :
"و أما أنت فتحفظ عهدى أنت و نسلك من بعدك فى أجيالهم .
هذا هو عهدى الذى تحفظونه ....يختن ختانا وليد بيتك و المبتاع بفضتك فيكون عهدى فى لحمكم عهدا أبديا "
لذلك كان الختان هو أول علامة عهد شخصى على مستوى العلاقة الداخلية بين الله و بين كل أفراد الشعب .
__________________
[ندعوك للتسجيل في المنتدى أو التعريف بنفسك لمعاينة هذه الصورة]
